注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

邡芳博客

相识是缘、珍惜缘分、开心每一天!

 
 
 

日志

 
 

(原创)忆儿时夏天《姆妈带回来搿酸梅汤》  

2013-07-25 11:46:14|  分类: 感悟人生 |  标签: |举报 |字号 订阅

  下载LOFTER 我的照片书  |
(原创)忆儿时夏天《姆妈带回来酸梅汤》 - 邡芳 - 邡芳博客
      上海进伏以来持续高温已超过二十天了,迭搿二天气温高达三十九到四十度,大清老早五点多钟去买菜,头浪厢汗就嗒嗒滴;“毛巾手帕”楷了湿透湿透。好在现在每家每户有空调电风扇降温,屋里厢勿会得很热。能静心上网浏览,听听音乐舞动一下肢体。傍晚看看“淘最上海”最美食品,听听舒悦“嘎讪葫"新闻坊“闲话上海”真搿是生活了有味道,老扎紧搿。
    电视节目里自制酸梅汤话题“勾起我小辰光记忆”一幕幕儿时往事呈现在眼前;此时想起我搿姆妈“在酷暑炎热夏天里”从厂里带酸梅汤回来情景;我心里厢难过搿流下了“想姆妈”搿心酸眼泪。
     因为文革运动错乱,我阿爸被恐吓后得了心脏病,早早离开人世,我姆妈一个人挑起扶养5个小囡担子。无论是数九寒冬三九天,还是酷暑炎热三伏天,姆妈依;早班四点多钟就要起来乘头班车“去浦东”上纲三厂上班。公交车中间要换乘、到了董家渡再乘“摆渡船”到厂里路途要一百分钟左右。在三伏酷暑里姆妈中班“顶着火辣辣太阳”奔赴在骄阳似火上班途中,伊搿辰光我老心痛姆妈,天天大清老早去菜场买好菜回来生好煤球炉烧中饭,要酿姆妈多睏一息,姆妈起来就可以安心吃仔中饭去上班。我在屋里照顾好弟弟妹妹,包揽屋里所有家务姆妈依可以安心搿上班。
    六十年代,几乎看勿到啥人家有电风扇,汏好浴吃夜饭,手里一把芭蕉扇弄堂里人坐了一道乘风凉嘎讪胡。高温天气夜里屋里忒热就在门口搭几块板睏觉,睏到半夜后再回屋里厢睏觉。(原创)忆儿时夏天《姆妈带回来酸梅汤》 - 邡芳 - 邡芳博客
  
     (原创)忆儿时夏天《姆妈带回来酸梅汤》 - 邡芳 - 邡芳博客
 
      大热天姆妈上班总归带一只军用水壶,装上一壶酸梅汤用毛巾包好放了包里带回来拔阿拉几个小囡吃。姆妈自己来厂里吃了老节约搿,剩下来饭菜票可以带点馒头回来。尤其是辣辣夏天里,当中班搿姆妈深夜十一点半到屋里厢时;“阿弟阿妹”们张大眼睛才坐了仔等姆妈回来好“吃酸梅汤忒刀切馒头”。迭搿场景在我脑海里永远忘记勿忒。在伊搿票证计划供应年代里,酸梅汤忒刀切馒,也算是一餐“不错搿夜宵”了。当姆妈中班搿夜里弟妹们会得兴奋等待着;一壶要分几碗“酸梅汤”“一人半只“刀切馒头”。姐姐我肩负着照顾好阿弟阿妹责任,在多子女年代里当阿姐更为悉心照顾弟妹,心痛姆妈,觉着伊搿年代小囡特别懂事体,单亲家庭小囡更为明事理。常言道;穷人孩子早当家是很有道理。
     用现在人眼光来看一壶酸梅汤,几只刀切馒头,忒推板了。但是在六十年代贫困落后经济状态下、忒计划供应年代里,那一壶携带经过渡轮与二辆公交车换乘搿“酸梅汤”忒几只刀切馒头,恰是凝结了慈母对儿女的一片真诚《母爱》啊!
     
     
  评论这张
 
阅读(1800)| 评论(121)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017