注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

邡芳博客

相识是缘、珍惜缘分、开心每一天!

 
 
 

日志

 
 

冬至(原创)  

2012-12-20 15:56:26|  分类: 散文杂谈 |  标签: |举报 |字号 订阅

  下载LOFTER 我的照片书  |
冬至 - 邡芳 - liubifang0212的博客

        过勒冬至赛过年腊,小辰光总该听到“姆妈忒隔别姆妈”迪能讲咯。

     清爽冬至邋遢年,“冬至落雨么”过年旧不落雨啦。冬至迪天开始要进补啦!冬天进补春天打虎。冬至开始旧进九,九九八十一天。三九四九是九里厢最冷咯日结。

 冬至一般屋里厢才要祭烧已经过世咯亲人,烧仔交关小菜摆满一台子。“豆腐是定规要有咯啦”每只位子摆好矮凳、碗忒筷子,倒上老酒。蜡烛架插仔红蜡烛点烊,每个拧挪三根香,辣辣蜡烛火浪点着,拜上三击后插辣腊香炉里。捺么辣腊台子前一只铁盆里烧锡箔,大拧会得“关照小囡”台子勿好篣咯,《伊拉才坐辣腊》吃勒。

   等仔蜡烛烧光、香也烧清爽勒,迪格辰光锡箔阿烧腊没么勒。姆妈挪仔只小饭碗倒眼老酒、辣腊每一只菜里厢揭一眼菜再摆眼饭、最后倒腊辣外面屋顶上。

  捺么自己做仔姆妈勒,每年冬至也迪能祭烧“爷娘”。2010年5月老公查出“胃癌晚期肝转移,于10月11号去世。今年已是第三咯冬至“祭奠勒”。

  今早早上辣腊菜场里我买好“老公伊辣腊辰光”“欢喜吃咯小黄鱼”“明早早上清蒸”“红烧肉”是少勿忒咯“豆腐是做筻饭标志菜,水果糕团统统买好,今早还包仔馄饨,才是老公“活辣腊辰光”“欢喜吃咯”。锡箔女儿女婿忒我一道叠啦咯。

  冬至迪能“祭烧”也只不过是一种寄托忒思念伐,希望“老公”会得真咯回到屋里厢吃我烧咯“这顿饭”再捺上我烧咯锡箔钞票,辣腊另外一个世界(袋袋里钞票装腊)满眼,开开心心过个年。 

冬至 - 邡芳 - liubifang0212的博客
 
  评论这张
 
阅读(115)| 评论(21)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017